RSS kanal
Dragi čitateli, s radostju Vam oglašajemo, že naš projekt Interslavic jest publikovany v naučnih rezultatah vtoroj medžunarodnoj konferencije po obrazovaniju, jezykah, hudožstva i medžujezyčnih vezah, November 7-8, 2015 Kaifeng, Henan, Čina. (2nd International Conference on Education, Language, Art and Intercultural Communication - ICELAIC 2015).
Превод гимна словѣнов на меџусловѣнскый јазык (кодификација "Новословница (nsl)")
Гей, словѣнове, јещо живо је
Слово нашых дѣдов
Докѫды одважно средцо бїје
Нашых славных сынов.
Na Marsě bylo jezero, ktoro teoretično imělo vsi uslovja dlja rodženja i poddržanja žitja. Se jest dokazala naučna družina marsohoda Curiosity, ktory rabotaje na črvenoj planetě, izvěstil zastųpnik glavy laboratorije kosmičnyh izslědovań Maksim Litvak.
Naučna družina Curiosity zaključila, že pravdopodobno jezero istnovalo. Hoti sųt sųmněnja v odnošenji k tomu, dokolě stojęča voda istnovala tam.
Čitati plny text: Na Marsě bylo jezero s uslovjami...
Pluton — najzajmlivějši objekt izslědovanja, a naučniki světa sųt dostali ob toj karlikovoj planetě ogromnų kolikosť informacije, dękujųč rabotě stancije Nove Horizonty (New Horizons), ktora sejčas letěje von od Plutona. Podčas letěnja mimo tamtogo planetoida stancija smožla zafotografovati i satelity Plutona, vključajųč jego glavny satelit Haron. Sejčas tamte foto postųpno posylajųt sę na Zemjų.
Razměr Harona jest priblizno dvakratno menje Plutona. Obydva vsegda izględajųt jedin drugogo jednoj stranoj, ravno kako i Luna s Zemjejų. Ale tu stěčenje končaje sę, za to že Haron ne jest mrtvo nebesko tělo s žrlami i pylami. Ne, tu sųt i ogromny doliny, i gory, i povrh, pokryeny substancijami različnyh kolorov.
Čitati plny text: Kosmičny korab Nove Horizonty...
čitateli člankov ot Oktobra 2011
