Kako razděliti sedm čokolad medžu osm studentov? Jest to prosto.
Matematičny styl: Aby razděliti sedm čokolad medžu osm studentov, trěbuje se izkoristiti slědeču formulu:
Tako my razbijemo vsjaku čokoladu na osm kuskov (7 x 8 = 56), imajemo v sumě 56 kuskov i vsjaky student bude iměti 7 kuskov (56 : 8 = 7).
Indijansky stil: Studentov stavimo v red (lajnu). Prvyh sedm studentov bude iměti jednu čokoladu, poslědny student ne bude iměti ničego.
Demokratičny stil: Vsaku čokoladu razdělimo na polovinu, osm polovin razdajemo studentam (to jest četyri čokolady), i ostale tri čokolady pojedajemo sami kako državny podanok.
Republikansky stil: Vse čokolady dajemo najbogatějšemu člověku, studenti ne budut iměti ničego.
Komunističny stil: Vsjakomu studentu skažemo, že bude iměti spravedlivy děl čokolady, ale vměsto togo posylajemo jego do gulaga. Sedm čokolad pojedajemo sami.
Thanos stil: Eksplozija. Dajemo jednu čokoladu četyrěm prěživšim studentam. S trěmi ostalymi čokoladami dělajemo, čto hočemo.
Alhimističny stil: Raztopimo vse čokolady, i sdělajemo jednu veliku čokoladu. Ovu čokoladu razdělimo medžu studenty.
Francuzsky stil: Dajemo vse čokolady studentu, ktory izgledaje najmočnym, i potom s njim načnemo suditi se po nerazumlivoj pričině.
Stil Trampa: Pojedajemo šest čokolad i načnemo tvitati, že američske čokolady sut najlučše v vsěm světu. Potom razdělimo poslědnu čokoladu medžu studentov i pojavjajemo se kako Robin Hood.
Direktorsky stil: Kažemo: «Jedanje čokolady jest veliko zlo, ne možno ju jesti, jerbo jest to mnogo ugrozno do našego zdravja. Čokolada sodrži veliko množstvo masti, i može pričiniti obezitu, vysoky holesterol, srdečny napad, mozgovy napad, raka, AIDS …» Potom pojedajemo vse čokolady sami, doka studenti sut užasnjeni.
prěvod iz anglijskogo originala - zasměška v internetu
MEDŽUSLOVJANSKE NOVOSTI
RSS kanal
