Medžuslovjanske Helsinki (turističska prohodka 15-ogo Avgusta 2024)

kategorija: PUTOVANJE
datum: 2024-07-06, avtor: redakcija

15-ogo Avgusta 2024 (petnadsetogo Avgusta dvatyseč dvadesetčetyri) bude turistična prohodka v gradu Helsinki na medžuslovjanskom jezyku. Početok prohodky bude pod statujeju Aleksandra II-ogo na Senatnom trgu v 18:00 (osmnadsetu časinu), i prohodka bude končiti se pod statujeju Gustafa Mannerheima okolo 20:00 (dvadesetoj časiny). Učestniki budut poznati grad Helsinki, budut učiti se o jegovoj historiji, i budut praktično odkryvati, že slovjansko-govoreči ljudi iz različnyh narodov mogut učestvovati v jedinoj turističnoj grupě zajedno sluhajuči svojego provodnika na medžuslovjanskom jezyku.

Emil Anton (foto iz stranic emilanton.com)

Provodnikom prohodky bude pan Emil Anton, ktory jest finlandijskym poliglotom i členom medžuslovjanskoj občiny. Emil Anton suprovadžal turistov na 11 (jedinadsetyh) jezykah, i medžuslovjansky bude jegov 12. (dvanadsety) jezyk. Emila Antona bylo možno slyšeti v našem Podkastu #3 (https://interslavic.news/127), kde byl gostom zajedno s Janom van Steenbergenom, Konstantinom Đorđevićem, i Ljošeju Melacem.

Podrobna informacija o prohodkě na finskom i medžuslovjanskom jezykah: ...denyo/event/helsinki-kierros-valislaaviksi/
Podrobna informacija o prohodkě na anglijskom jezyku: .../taiteidenyo/en/event/interslavic-helsinki/
Stranice pana Emila Antona: https://emilanton.com/

Statuja Aleksandra II-ogo, početok prohodky (foto Wikimedia)

Statuja Gustafa Mannerheima, konec prohodky (foto Wikimedia)

QR-kod članka