Kako jesmo stvorili medžuslovjansky jezyk (prezentacija iz Polyglot Gathering 2024)

kategorija: NAUKA - TEHNIKA
datum: 2024-05-17, avtor: redakcija

V dnjah od 15-ogo (petnadsetogo) do 19-ogo (devetnadsetogo) Maja v Pragě odbyvala se medžunarodna shodka polyglotov Polyglot Gathering 2024 (dvatyseče dvadesetčetyri). Na tutoj konferenciji byl prědstavjen medžuslovjansky jazyk v prezentaciji How we created the Interslavic zonal constructed language (Kako jesmo stvorili medžuslovjansky zonalny konstruovany jezyk) od Vojtěcha Merunky. Prezentacija (ktoru možno čitati tut na koncu teksta) imaje 24 stranic pisanyh na anglijskom jezyku, ale byla govorjena na medžuslovjanskom jezyku.


Prezentacija MS jezyka

Konferencija v Pragě iměla 825 (osmstodvadesetpet) učestnikov. Duhovnym osnovateljem konferencije jest pan Richard Simcott iz Sěvernoj Makedonije, ktory jest znajemy poliglot znajuči okolo 50 (petdeset) jezykov i tekučno govori 16 (šestnadseti) jezykami. Glavnym organizatorom konferencije jest pan Peter Baláž iz Slovakije, ktory jest mnogo aktivny i znajemy esperantist. Jest nam mnogo milo dekovati panu Balážu za priključenje medžuslovjanskogo jezyka do programa konferencije netoliko tutogo lěta v Pragě, ale takože prošlogo lěta v Teresinu.


Avditorijum

Glavny organizator konferencije gospodin Peter Baláž

Osnovatelj konferencije gospodin Richard Simcott

Učestniki konferencije



QR-kod članka