QR-kod adresy https://interslavic.news

o nas - о нас

Tutoj server zaměnil stary server IZVESTI.INFO. Stare teksty i jihna struktura iz servera IZVESTI.INFO budut prěnošene do tutogo novogo servera. Редактори могут писати своје чланкы latiniceju или кырилицеју, i v tekstu može byti ješče αλφαβήτα s ⰳⰾⰰⰳⱁⰾⱜⰻⱌⰵⱓ. Teksty servera v kodu UTF-8/UNICODE i administracija servera avtorizovanymi redaktorami sut dostupne iz vsih krajin světa.

podkast - подкаст

Naš podkast medžuslovjanske novosti sodrživaje kratke věsti v medžuslovjanskom jezyku kako zvukom dopolnjenje tutogo servera.

Наш подкаст меджусловјанске новости содрживаје кратке вєсти в меджусловјанском језыку како звуково дополњење тутого сервера.

medžuslovjansky jezyk - меджусловјанскы језык

Medžuslovjansky (ISO 639-3 isv) jest pomočny jezyk, ktory slovjani različnyh narodov koristajut do komunikacije jedin s drugym. Medžuslovjansky jezyk ravno piše se latiniceju i kyriliceju. Vsim ne jest trěba učiti se medžuslovjansky jezyk, ale jedino ljudjam, ktori aktivno rabotajut v turistikě, kulturě, biznesu, ili občinskom voditeljstvu. Obače tomu vsih 400 milionov slovjanskojezyčnyh ljudij na světu mogut koristiti razumivost pisanomu ili slyšenomu medžuslovjanskomu jezyku bez učenja. (Podrobno čitajte tut: Medžuslovjansky manifest 2019)

Меджусловјанскы (ISO 639-3 isv) јест помочны језык, кторы словјани различных народов користајут до комуникације једин с другым. Меджусловјанскы језык равно пише се латиницеју и кырилицеју. Всим не јест трєба учити се меджусловјанскы језык, але толико људјам, ктори активно работајут в туристикє, културє, бизнесу, или обчинском водитељству. Обаче тому всих 400 милионов словјанскојезычных људиј на свєту могут користити разумивост писаному или слышеному меджусловјанскому језыку без учења. (Подробно читајте тут: Меджусловјанскы манифест 2019)

Medžuslovjansky jezyk jest projekt do budučnosti. Ne služi instrumentom nostalgije po mitičnoj historiji, i ne izražaje političny panslavizm ni sentiment protiv modernoj civilizaciji. Vsaky člověk može medžuslovjansky jezyk svobodno i bezplatno koristiti vsekako hoče, ako li medžuslovjanskym jezykom ne razrušaje ljubov, toleranciju, ili bratstvo člověka k člověku. Medžuslovjansky jezyk jest kolaborativny projekt upravjany od dobrovoljcev. Prizyvajemo Vas rabotati zajedno s nami, kontaktujte nas, i pomagajte razvoju i praktičnomu širjenju medžuslovjanskogo jezyka.

Меджусловјанскы језык јест пројект до будучности. Не служи инструментом носталгије по митичној историји, и не изражаје политичны панславизм ни сентимент против модерној цивилизацији. Всакы чловєк може меджусловјанскы језык свободно и безплатно користити всекако хоче, ако ли меджусловјанскым језыком не разрушаје љубов, толеранцију, или братство чловєка к чловєку. Меджусловјанскы језык јест колаборативны пројект управјаны од добровољцев. Призывајемо Вас работати заједно с нами. Контактујте нас, и помагајте развоју и практичному ширјењу меджусловјанского језыка.

redakcija servera - редакција сервера

Adresa do redakcije jest: redakcija@interslavic.news
i naše členstvo jest:

AB	Aleksy Bernat	Wrocław, Poljska
aŠM	Šimon Majerčák	Kežmarok, Slovakija
aVM	Vojtěch Merunka	Praga, Čehija
EA	Emil Anton	Helsinki, Finlandija
Fi	Filip Dančišák	Praga, Čehija
JvS	Jan van Steenbergen	IJmuiden, Niderlandy
mS	Michał Swat	Poznań, Poljska
pepe	Josef Pospíšil	Liberec, Čehija
Rf	Rafail Gasparyan	Rosija
ZK	Zdeněk Kučera	redaktor iz Čehiji

Prosimo vas širiti informaciju o tutom serveru na vaših webovyh stranicah. K tomu možete koristiti slědeče ikonky, i do vaših stranic pripisati HTML kod podobny tutomu kodu:

Просимо вас ширити информацију о тутом серверу на ваших вебовых страницах. К тому можете користити слєдече иконкы, и до ваших страниц приписати HTML код подобны тутому коду:

logo-isnews-120x60.png

logo-isnews-120x60-cyr.png

isnews-60x60.png

isnews-48x48.png

isnews-32x32.png