Japonska kultura i smrt

kategorija: KULTURA - OBČINA - HISTORIJA
datum: 2022-10-02, avtor: aŠM

V Japoniji jest smrt razuměna kako nečto, čemu ne možno braniti se, i prosto tu jest i bude. V Japoniji jest glavna religiija budhizm, kde po smrti člověk reinkarnuje se. Sebeusmrtjenje ne jest ničto zlo ili nedobro. Zato jest mnogo tipov sebeusmrtjenja v Japonskoj kulturnoj historiji.

Seppuku

Seppuku jest tip ritualnogo sebeusmrtjenja uživanogo v Japoniji. Prvo zapisano užitje tutogo sebeusmrtjenja bylo v godu 1180. Nazva seppuku jest tvorjena iz slov setsu (rězati) i fuku (brjuho, trbuh).


Samuraj dělaje seppuku.

Seppuku bylo uživano, kogda samuraj narušil samurajsky kodeks bušido, ili kogda samuraj hotěl protestovati protiv razsudženju svojego vladara. Takože često bylo uživano, aby samuraj ne byl zaključeny do vezenja. Několikokratno byl dajmijo (vyše postavjeny samuraj) prinudženy učiniti seppuku, aby nastavil mir. Seppuku takože uživali ženy, kogda jihny muž byl ubity ili kogda žena byla nasilovana.

Seppuku jest takože znajemo pod nazvoju harakiri, ale to ne jest dobro. Harakiri takože znači rězanje brjuha, ale jest to grěšna nazva iz obratnogo čitanja dvoh znakov japonskoj abecedy kandži za rězanje i brjuho. Kogda evropsky morjeplavatelji došli do Japonije, naučili se tuto obratno čitanje znakov japonskogo jezyka, i tako pojavila se nazva harakiri, ktora v Japoniji čuje se nepravilno i vulgarno od pravilnoj nazvy seppuku.

Seppuku dělalo se pomočju nožev i mečev tači, vakizaši ili tanto. Počas dělanja tutogo rituala učestvoval pomočnik kajšakunin (druga ruka). Samuraj bral sobě meč i prěrězal sobě brjuho trideset (30) centimetrov gluboko. Kogda samuraj dodělal rěz, potom jemu kajšakunin odrubal glavu. Kogda žena dělala seppuku, takože sobě zavezala nogy i prěrězala krk.


Tanto prigotovjeno na seppuku.

Ataka Banzai

Tuta nazva byla uživana armijami Velikoj Britanije, USA (i drugyh). Ale v Japoniji byla uživana nazva gjokusai, čto znači čestnu smrt. Tute ataky byli dělane, aby vojini ne dostali se do nesvobody od neprijatelja. Slovo banzai v čitanju japonskej abecedy kandži znači deset tyseč godov. Kogda japonski vojini dělali ataku banzai, oni kričali tennó hejka banzai (nechaj žive jegovo vysočstvo cěsar) ili nippon banzai (nechaj žive Japonija).


Mrtvi japonski vojini poslě ataka na ostrovu Attu.

Kamikaze

Kamikaze znači božji větr. Nazva jest od legendy iz trinadsetogo (13-ogo) stolětja, kogda dvukratno veliky tajfun razmetal mongolsky flot gotoveči se na invaziju do Japonije, i govorilo se, že bogi tutym tajfunom čuděsno pomogli Japoniji. Japonska armija koristila kamikaze na koncu vtoroj světovoj vojny v godu 1945, kogda japonska armija uže ne iměla kapacitet bojovati so Sjednjenymi štatami Ameriky (USA).


Japonski samoletski piloti kamikaze.

Tutoj članok byl objasnjenjem tradicije smrti v japonskoj kulturě.



QR-kod članka