Putovanje za pismom s Glagoljničkom

kategorija: KULTURA - OBČINA - HISTORIJA
datum: 2023-03-05, avtor: aVM

Naši podporniki iz češskogo družstva Evropsky kulturny put svetyh Kirilla i Methodija (https://www.cyril-methodius.cz) sotvorili rabotny učebnik (knigu) nazvany Cesta za písmem s Hlaholníčkem (medžuslovjansky: Putovanje za pismom s Glagoljničkom). Učebnik jest naznačeny do češskyh osnovnych škol za dětka prvogo stupnja. Tutoj projekt byl podporjen od fonda malyh projektov regijonalnogo razvitja Evropskoj unije (.../european-regional-development-fund-erdf_en).


prva stanica knigy

Hlaholníček (medžuslovjansky: Glagoljniček) jest fiktivno dětsko lico, ktoro suprovodžaje čitatelja črěz historiju i kulturu Velikoj Moravy, kogda koristil se staroslovjansky jezyk i Glagoljica. Na devetoj stranici tutogo učebnika jest informacija o našem medžuslovjanskom jezyku.


deveta stanica knigy govoreči o medžuslovjanskom jezyku

Mnogo děkujemo dragym kolegam iz Evropskogo kulturnogo puta svetyh Kirilla i Methodija pod rukovodstvom gospodže Martiny Janochovoj za podpor do širjenja informacij o projektu medžuslovjanskogo jezyka.



QR-kod članka