Aforizmy

kategorija: RAZLIČNO
datum: 2023-11-27, avtor: aVM

Aforizm (iz grěčskogo slova ἀφορισμός, ktoro možno prěložiti kako izznačenje ili definicija) jest kratko, lakonično, i dobro pamětajemo izrěčenje, ktoro popisuje někaku obču pravdu ili princip. Epigram jest variant aforizma v formě kratkoj i često vesělozabavnoj poezije. Tipično, aforizmy imajut svoje avtory ravno kako citaty. V tutom textu možno najdti něktore dobro znajeme aforizmy prěložene do medžuslovjanskogo jezyka.

- - -

Najlučše prognozovanje budučnosti jest budučnost izmysliti.
(Alan Kay)

Kako hočete, aby ljudi postupali s vami, tako i vy postupajte s njimi.
(Isus iz Nazareta)

Oko za oko, i svět jest slěpy.
(Mahatma Gandhi)

Mladi ljudi imajut iluzije o budučem věku, stari ljudi imajut iluzije o prošlom věku.
(Patricie Holečková)

Člověk usiluje se, i Bog směje se.
(jevrejsko rěčenje)

Tanky - to lokomotivy historije.
(Arkadij Davidovič)

Ako li ne gotoviš se upotrěbiti silu do obrany civilizacije, potom gotoviš se prijmati barbarizm.
(Thomas Sowell)

Pravdu trěba govoriti toliko tomu, kto hče slyšeti.
(Seneca)

Lož ne jest pravo na mněnje, lož jest toliko lož.
(neznajemy avtor)

Sočustvovanje i tolerancija ne demostrujut slabost, ale silu.
(dalajlama Tändzin Gjamccho)

Gory možno prějdti toliko krivokrutnym putovanjem.
(Johann Wolfgang von Goethe)

Nove vrata ne možno otvoriti starymi ključami.
(anglijsko rěčenje)

Cělj bez plana jest toliko želanje.
(Antoine de Saint-Exupéry)

Problemy ne možno razrěšiti sposobom myšlenja, ktoro te problemy izprva sotvorilo.
(Albert Einstein)

Nenavist jest nespravedliva. Ljubov ješče vyše.
(Johann Wolfgang von Goethe)

Ljubov jest odgovor, ale kako bylo pytanje?
(John Lennon)

Svojego prijatelja pohvaluj publično, ale napominaj privatno.
(Leonardo da Vinci)

Mudry člověk znaje vyše od togo, čto govori.
(Marcus Tullius Cicero)

Tajina uspěha jest molčeti o tom, čto ne znajete.
(Voltaire)

Toliko dvě věči sut bezkonečne: Kosmos i ljudska glupost. Ale prvym ne jesm točno uvěrjeny.
(Albert Einstein)

Znajemo, že světlo jest bystrějše od zvuka. Po tutoj pričině nam něktori ljudi izgledajut mudro, poka jih ješče ne slyšimo.
(Albert Einstein)

Velika tišina, kogda ljudi govorili by toliko o tom, čto znajut.
(Karel Čapek)

Mudri ljudi znajut, že ne znajut. Drugi ljudi ne znajut, že ne znajut.
(Sokrates)

Lučše jest govoriti s mudrym člověkom na glupu temu, od govorjenja s glupym člověkom na mudru temu.
(Jan Werich)

Ne imaješ li sposobnost do možnosti nasilija protiv neprijateljam, potom ne možeš sebe nazyvati mirnoljubnym, ale jesi jedino neškodlivym.
(Ulysses Steven Grant)

Logične argumenty - to najgorša metoda diskuzije s blaznom.
(Gilbert Keith Chesterton)



QR-kod članka