Medžuslovjansky denj #2 - Praga, september 5, 2023

kategorija: RAZLIČNO
datum: 2023-08-11, avtor: aVM

5-ogo septembra 2023 bude v Pragě Medžuslovjansky denj - rabotno strěčenje i škola medžuslovjanskogo jezyka. Budemo praktično besědovati v medžuslovjanskom jezyku i učiti nove ljudi interesujuče se do MS jezyka, aby stali se aktivnymi govoriteljami. Do besědovanja budut on-lajn priključeni gosti iz različnyh krajin světa. Govorimy jezyk tutoj sustrěči bude toliko medžuslovjansky.

organizator: Sorabota družstva Slovjanska unija v Čehiji s družstvom Češska unija prěvoditeljev i prěkladateljev.
data: Vtorok, september 5, 2023.
čas: Sustrěča jest od 10:00 časiny do 17:00 časiny. Praga prinaleži do zony CEST = UTC 2 (https://www.timeanddate.com/time/zones/cest).
registracija: Prosimo vsih učestnikov, aby svoje fizično učestvovanje i takože link do on-lajna dogovorili e-mailom na adresě redakcija@interslavic.news.
město: Dom Češskoj unije prěvoditeljev i prěkladateljev, sal 152 v prvoj nadzemjnoj etaži - vhod C. Iz ulice jest toliko jedin vhod do doma, ale tutoj dom imaje od ulice razděljeny tihy dvor, v ktorom ješče jest vhod C.
adresa: Praha (Praga), Senovážné náměstí 978/23. Glavna železnična stancija Praha - Hlavní nádraží i železnična stancija Praha - Masarykovo nádraží sut v pěšehodnoj blizkosti 400 metrov od adresy města.
město na Google Maps: (...802!4d14.4316932!16s/g/11c2gzl39f?entry=ttu).
naklad: Učestniki na městu v Pragě budut platiti 200 CZK (podčas registracije jutrom 5-ogo septembra 2023) za malo osvěženje i tisk učebnyh materijalov. Na městu (prizemje vhoda D) jest restoran s nizkymi cěnami, kde možno bezšumno obědati, i v pěšehodnom dostupu sut ješče druge restorany i magaziny. Očevidno, on-lajn jest bezplatny.
Češska unija prěvoditeljev i prěkladateljev: (Czech association of translators, interpreters and audiovisual translators - https://www.jtpunion.org/en/).

učestniki

Prizvani sut členi medžuslovjanskoj komunity i členi so-organizatora, Češskoj unije prěvoditeljev i prěkladateljev (https://www.jtpunion.org/en/). Možnost viděti i slyšeti on-lajn bude cěly denj konferencije od 10:00 do 17:00. Prosimo vsih, ktori imajut interes libokako učestvovati (fizično na městu ili on-lajn), aby napisali e-mail do adresy redakcija@interslavic.news i dogovorili se o formě svojego učestvovanja. Ješče prosimo vsih na městu v Pragě iměti svoje zapisnik i pero/olovku, i takože iměti svoj komputer ili tablet, zatože budemo rabotati s internetovymi stranicami, v domu bude prigotovjeny dostup do WiFi.

program

09:30 - 10:00 registracija učestnikov i prigotovjenje konferenčnogo sala
10:00 - 10:10 otvorjenje dnja i prědstavjenje učestnikov

10:10 - 11:30 osnovne principy i sistem jezyka, gramatika i slovnik
11:30 - 13:00 konstrukcija i transformacije izrěčenj, prěhodne slova, konverzacija

13:00 - 14:00 pauza na oběd

14:00 - 15:30 praktikovanje jezyka, konverzacija
15:30 - 16:50 onlajn besěda vsih učestnikov, dělanje podkasta i videoreportaži

16:50 - 17:00 zaključenje dnja
17:00 - 17:30 opuščenje konferenčnogo sala

Praga, Senovážné náměstí 23 - glavny vhod iz ulice do doma s dvorom

Praga, Senovážné náměstí 23 - pristup do dvora

Praga, Senovážné náměstí 23 - dvor

Praga, Senovážné náměstí 23 - stupenišče do prvogo etaža

Praga, Senovážné náměstí 23 - prvy etaž

Praga, Senovážné náměstí 23 - pristup do sala numer 152 na prvom etažu

QR-kod članka