Gotovjenje reportaža Češskoj televizije o medžuslovjanskom jezyku

kategorija: RAZLIČNO
datum: 2025-02-19, avtor: aVM

Dnja 18-ogo (osmnadsetogo) februara jesmo gotovili reportaž Češskoj televizije (https://www.ceskatelevize.cz/) o medžuslovjanskom jezyku. Jedin iz gotovjenyh materijalov do reportaža byla takože 53 minut dolga onlajn besěda s Janom van Steenbergenom, Michałom Swatom, Jaroslavom Serhějevom i Mito Matijom, kde na městu v Pragě v prostorah Fakulteta ekonomije i manažmenta Češskogo univerziteta životnyh nauk (https://www.pef.czu.cz/en) byli Vojtěch Merunka, Šárka Grossová, Roberto Lombino i redaktor Češskoj televizije gospodin Pavel Bělík s kameramanom gospodinom Marianom Mejzlíkom.

Interesno, že v ravny čas odbyvalo se na fakultetu takože posěčenje prezidenta Češskoj republiky gospodina Petra Pavla na temu modernyh metod učenja (podrobna informacija tut: ...zech-republic-visits-modern-approaches.html), ktorogo naša grupa viděla na kratky moment. Mnogo děkujemo rukovodstvu fakulteta, najmě gospodinam prodekanu za pedagogične aktivnosti n.prof. Martinu Pelikánu i prodekanu za inovacije i transfer tehnologij n.prof. Jiřímu Vaňku, za pomoč i možnost upotrěbiti prostory fakulteta do tutogo reportaža. Takože mnogo děkujemo gospodže direktorkě univerzitnoj biblioteky (https://lib.czu.cz/en) dr. Haně Landovoj i gospodinu bibliotekaru Radku Kottnauru, kde takože odbyvalo se gotovjenje reportaža.

Nestriženy zapis onlajna do reportaže Češskoj televizije o medžuslovjanskom jezyku (53 minut)

Reportaž bude gotova v Češskoj televiziji poslě pribl. dvoh mesecev i potom budemo ješče informovati.



QR-kod članka