Najdolžejši viseči pěšehodny most na světu

kategorija: PUTOVANJE
datum: 2022-07-10, avtor: ZK

Znajete li, že na granici Čehije (točněje Moravije) i Poljsky nahodi se najdolžejši viseči pěšehodny most na světu?
Pogledite na sajty: https://www.dolnimorava.cz/en

Nebesny most 721 (Sky Bridge 721)

NAJDOLŽEJŠI VISEČI PĚŠEHODNY MOST NA SVĚTU

_______________________________________________

Prigotovite se na unikalny moment, kogda pojavite se 95 metrov nad glubokoju gornoju dolinoju. Prějdete iz jednogo gornogo hrebeta na drugy po 721 metrov dolgom pěšem mostu. Da by izkročiti, bude vam trěba nemnogo smělosti, ale garantujemo neobyčno čutje na cěly život.

Nebesny most 721 (Sky Bridge 721) ne jest toliko postavjenje. Jest to takože most, koj v sobě nese „ideju časa“.

Prěmostjenjem veličstvenoj doliny „Mlynsky potok“ na drugy gorny hrebet „Hlum“ vsi posětitelji imajut jedinstvenu možnosť poznati městnu prirodu i postojano aktualnu historiju posrědstvom novoj naučnoj stežky „Most časa“ s unikalnoju igroju s elementami razširjenoj realnosti.

Parametry mosta:

721 metrov - dolgosť visečego mosta
95 metrov - vyšina nad zemju v najvysšej točkě
od 1 110 do 1 116 metrov - vyšina nad urovnji morja
6 glavnyh nesučih metaličnyh vezal i 60 větrnyh vezal različnogo diametra
360 ton - zatežna sila každogo vezala iz 6 glavnyh
1,2 metra - širina hodnika (trotuara)
2 km - dolgosť naučnoj stežky „Most časa“ s elementami razširjenoj realnosti
2 goda - dolgota procesa konstrukcije visučego mosta

QR-kod članka