Medžuslovjansko Haiku

kategorija: KULTURA - RELIGIJA - HISTORIJA
datum: 2019-04-01, avtor: redakcija

Tuto jest jedna iz prvyh poezij pisanyh v medžuslovjanskom jezyku. Prvu poeziju napisal češsky pisatelj i žurnalist Dušan M. Spáčil (dusanspac@gmail.com) i vtoru črnogorsky poet Goran Radičević (tyffranskyj@hotmail.com).

- - -

Dušan Spáčil

Januar
Škrabu iz avta led.
Běly sněg padaje
na tvrdu zemju.

Februar
Pod oblakami
ukryty život čekaje
na konec zimy.

Marec
Za oknom doždi.
Hladna voda mi teče
rovno do duše.

April
Sečemo travu.
Ostry nož rěže grla
živučim steblam.

Maj
Pijemo pivo.
Snivajuči o lětu
pod čistym nebom.

Jun
Iduče v školu,
děti počujut duha
od budučih dnjev.

Jul
Na běloj plaži,
morjska voda laskaje
teple kameny.

Avgust
Rabota v lěsu.
Rězano drěvo leži,
jest ješče svěži.

September
Plody sut zrěle.
Jedra iz njih iskajut
put do srdca zemje.

Oktober
Idemo v teatr.
Posmotriti do světa
pod makijažom.

November
Gori mi svěča.
Plamenj slabo skvrči
na tihom grobu.

December
Sopnute ruky.
Iznenada slyšim zvon,
ktory jest v mně.

- - -

Goran Radičević

Sladky plod
Zrělo jabloko
jedаје črvjak.

Svoboda
Drěvo imaje korenj.
Člověk ne imaje?

Mòlčańje
V zaspanom lěsu
spi i sova.

Cvět v pšenici
Žętva jest i jemu
konec.

Obsòhnųte travy
Kde sę dneś skryva
stary jež?

Sivy oblak
Urodi jesenne doždy,
nikogda motylja

Malo susědstvo
Mravky v mravkovoj kopě,
trězva stvarnost.

Prošlo vrěmę
Jesenny list žòlty,
člověk bělovlåsy.

Japonska akacija
Jesenjne listy
pišut haiku.