Obsada tvrdže Kumamoto

kategorija: KULTURA - OBČINA - HISTORIJA
datum: 2022-07-21, avtor: aŠM

Poslě načetja neprijateljstva medžu provincijeju Sacuma i vladoju Mejdži, vojenny vladar tutoj provincije Sajgo Takamori oglasil svoj zamysl marširovati s svojeju armijeju do Tokija, aby dogovoril u cěsara Mejdži odkydanje vlady korumpovanyh politikov, ktori ne interesovali se do problemov v zemji. Jegovo putovanje do Tokija vedlo črěz Kumamoto, město historičnoj tvrdžе Kumamoto i glavny žiliščny grad japonskoj cěsarjskoj armije v Kjušu. Voditelji vlady Mejdži znali, že utrata Kumamota značila by, že vse Kjušu padne do armije Sacuma, i tuta utrata razdyhala by povstanje takože v drugyh čestjah Japonije.


Tvrdža Kumamoto lětom 1874 (neznajemy avtor)

Prědvoj Sacuma prěšel do prefektury Kumamoto 14-ogo fevruara, načelnik tvrdže Kumamoto, generalmajor Tani Tateki, poslal věst Sacumovu guverneru Ojamu, že libokaka proba Sacumovyh vojinov prěkročiti Kumamoto bude razrěšena siloju. Tani Tateki iměl možnost užiti tri tyseče osmsto (3800) vojinov i šeststo (600) policijnikov. Medžu obrancami bylo množstvo mužev, ktori pozdněje dostali se do vysokyh pozicij v japonskoj armiji, vkupě vojinov Kabajama Sukenori, Kodama Gentaro, Kawakami Soroku, Nogi Maresuke, i Oku Jasukatu. Ale po pričině, že večše množstvo vojska tvrdže Kumamoto bylo iz Kjušu, i mnogi oficiri byli domorodni zemjeděljski ljudi iz Kagošimy, jihna lojanost byla neuvěrjena. Tateki Tani razrěšil postaviti se do defenzivy vměsto togo, aby riskoval dezercije svojih vojinov.


Oficiri iz tvrdže Kumamoto (neznajemy avtor iz 19-ogo stolětja)

19-ogo fevruara zvučeli prve izstrěly vojny, kogda zaščitniki tvrdže Kumamoto počeli strěljati na vojnikov Sacumy, ktori pokusili se proniknuti do tvrdže. Ale tvrdža Kumamoto sbudovana lěta 417 byla jedna iz najsilnějših v Japoniji. Saigo Takamori věril, že jegove armije budut lušče od Tani Tatekovyh zemjeděljskyh rekrutov, ktori byli ječše demoralizovani nedavnym povstanjem Šinpuren.

22-ogo fevruara došla glavna armija Sacumi, i kleščevym manevrom atakovala na tvrdžu Kumamoto. Boje prodolžili se do noči. Cěsarske sily ustupili, i dějajuči major Nogi Maresuke iz četyrinadsetogo (14) polka Kokura potratil v krutyh bojah svoje polkovne kolory. Obače svojim uspěham sacumska armija ne dobyla tvrdžu, i počela uvědomovati, že armija rekrutov ne byla tako neefektivna, kako povodno prědpokladalo se.

Sacumska armija poslě dvoh dnjev bezrezultatnogo ataka zakopala se do gliny tvrdoj kako kamenj okolo tvrdže, i pokusila se vygladovati armije v tvrdži. Zaščitniki ne iměli uže mnogo krmjenja i amunicije, zatože nedolgo prěd povstanjem izgorěl sklad. Grupa povstancev izslana blokovati těšnine severno od grada bojevala protiv pomočnym grupam cěsarskoj armije. Poslě několiko bojev obooje armije 26-ogo fevruara odputali se.

V času obsady pripojilo se mnogo samurajev do armije Sajga Takamorigo. Jegova armija razrastala se do čisla dvadeset tyseč (20.000) vojinov. Sajgu ale bylo trěba razděliti svoju armiju, aby držel dolgu liniju od Tabaruzaky po zaliv Arijake. V bitvě pri Tabaruzakě bojevalo petnadset tyseč (15.000) samurajev protiv cěsarskoj armiji s devetdeseti tysečami (90.000) vojinov. Samurajam trěba bylo ustupiti s mnogo mrtvymi. Sajgo takože ne mogl ustati atak grupy vojinov od morja, i utratu Kagošimy kako bazy dodanja materijala i ljudij.

Nočju 8-ogo aprila vojini sdělali atak iz tvrdže Kumamoto, dělali otvor v armiji povstancev, i tako dopustili dostavku materijala. Glavna cěsarska armija pod vodstvom generala Kuroda Kijotaka s pomočju generala Jamakawu Hiroši došla do Kumamota 12-ogo aprila, i armija povstancev ustupila.

rekapitulacija


Kumamoto dnes (foto iz servera japan-guide.com)