Medžuslovjansky denj - Praga, september 21, 2022

kategorija: RAZLIČNO
datum: 2022-08-03, avtor: aVM

Čitajte reportaž i daunlodujte materijaly iz tutoj adresy: https://interslavic.news/index?clanok=47

21-ogo septembra 2022 bude v Pragě Medžuslovjansky denj - rabotno strěčenje i škola medžuslovjanskogo jezyka. Budemo praktično besědovati v medžuslovjanskom jezyku i učiti nove ljudi interesujuče se do MS jezyka, aby stali se aktivnymi govoriteljami. Do besědovanja budut on-lajn priključeni gosti iz različnyh krajin světa. Govorimy jezyk tutoj sustrěči bude toliko medžuslovjansky.

V programu medžuslovjanskogo dnja takože bude gotovjenje tretjej konferencije CISLa o medžuslovjanskom jezyku, ktora može byti subotoju 8-ogo oktobra 2022 v gradu Kutná Hora.

data: Srěda, september 21, 2022.
vrěme: Sustrěča jest od 9:00 časiny do 17:00 časiny. Praga prinaleži do zony CEST = UTC+2 (https://www.timeanddate.com/time/zones/cest).
registracija: Prosimo vsih učestnikov, aby svoje fizično učestvovanje i takože link do on-lajna dogovorili do 15-ogo septembra 2022 e-mailom na adresě redakcija@interslavic.news.
město: Dom Češskoj unije prěvoditeljev i prěkladateljev, sal 102 v prvoj nadzemjnoj etaži - vhod D. Iz ulice jest toliko jedin vhod do doma, ale tutoj dom imaje od ulice razděljeny tihy dvor, v ktorom ješče jest vhod D.
adresa města: Praha (Praga), Senovážné náměstí 978/23. Glavna železnična stancija Praha - Hlavní nádraží i železnična stancija Praha - Masarykovo nádraží sut v pěšehodnoj blizkosti 400 metrov od adresy města.
město na Google Maps: (...c0530cf4d8107!8m2!3d50.0854802!4d14.4316932).
naklad: Učestniki na městu v Pragě budut platiti 200 CZK (podčas registracije jutrom 21-ogo septembra 2022) za malo osvěženje i tisk učebnyh materijalov. Na městu (prizemje vhoda D pod salom 102) jest restoran s nizkymi cěnami, kde možno bezšumno obědati, i v pěšehodnom dostupu sut ješče druge restorany i magaziny. Očevidno, on-lajn jest bezplatny.
Češska unija prěvoditeljev i prěkladateljev: (Czech association of translators, interpreters and audiovisual translators - https://www.jtpunion.org/en/).
Kutná Hora, grad UNESCO: Možnost tretjej konferencije o medžuslovjanskom jezyku CISLa 2022, oktober 8, 2022 (...en.czech-unesco.org/kutna-hora/photogallery).

učestniki

Prizvani sut členi medžuslovjanskoj komunity i členi so-organizatora, Češskoj unije prěvoditeljev i prěkladateljev (https://www.jtpunion.org/en/). Možnost viděti i slyšeti on-lajn bude cěly denj konferencije od 9:00 do 17:00 na platformě Google Meet. Prosimo vsih, ktori imajut interes učestvovati (fizično na městu i takože on-lajn), aby do 15-ogo septembra 2022 napisali e-mail do adresy redakcija@interslavic.news i dogovorili se o formě svojego učestvovanja. Ješče prosimo vsih na městu v Pragě iměti svoje zapisnik i pero/olovku, i takože iměti svoj komputer ili tablet, zatože i my budemo rabotati s internetovymi stranicami, v domu bude prigotovjeny dostup do WiFi.

Prizvani učestniki (v alfabetičnom poredku):
Aiur Chimittsyrenov, Alla Sokolova, Aliaksandr Shostka, Caroline Beach, Filip Kovčin, Jan van Steenbergen, Jana Čepková, Josef Pospíšil, Kim Artamonov, Kirill Shabalkin, Ljoša Melac, Maksim Ivanov, Martin Molhanec, Martina Janochová, Michał Swat, Milorad Vasiljević, Mito Matija, Petr Bolf, Petr Kautský, Rafail Garsparyan, Roberto Lombino, Sergey Cherebedov, Sergey Galasuy, Steeven Radzikowski, Tima Zagorski, Vojtěch Merunka, Yaroslav Serhieiev, Zachary Boreyko, Zdeňka Brožková, i drugi gosti.

program

08:30 - 09:00 registracija učestnikov i prigotovjenje konferenčnogo sala
09:00 - 09:10 otvorjenje dnja i prědstavjenje učestnikov

09:10 - 10:00 osnovne principy i sistem jezyka, slovnik
10:00 - 11:00 morfologija i gramatika jezyka
11:00 - 12:00 konstrukcija i transformacije izrěčenj, prěhodne slova, konverzacija

12:00 - 14:00 pauza na oběd i različno praktikovanje

14:00 - 15:00 on-lajn besěda s govornikami medžuslovjanskogo jezyka v světu
15:00 - 16:00 on-lajn besěda s negovornikami ale interesujučimi se do projekta v světu
16:00 - 17:00 besěda učestnikov, dělanje podkasta i videoreportaži

17:00 - 17:10 zaključenje dnja
17:10 - 17:30 opuščenje konferenčnogo sala

Praga, Senovážné náměstí 23 - glavny vhod iz ulice do doma s dvorom

Praga, Senovážné náměstí 23 - dvor doma, kde jest vhod "D"

- - -

Medžuslovjansky jest pomočny umětno sotvorjeny jezyk legko učimy do aktivnogo koriščenja od govoriteljev slovjanskyh jezykov, ktori jemu uže dobro pasivno razumějut bez potrěby prědhodnogo učenja. Medžuslovjansky projekt počel se prěd dvanadseti lětami, i dnes imaje tyseče ljubiteljev, ktori strěčajut se najmě na internetu. Medžuslovjansky byl takože slyšeny v filmu Kolorovana ptica. Na jednodnevnom seminaru v Pragě budut učeni novi interesujuči se do jezyka, i bude takože provodžena on-lajn konferencija s inozemnymi gostami.

Меджусловјанскы јест помочны умєтно сотворјены језык легко учимы до активного коришчења од говоритељев словјанскых језыков, ктори јему уже добро пасивно разумєјут без потрєбы прєдходного учења. Меджусловјанскы пројект почел се прєд дванадсети лєтами, и днес имаје тысече љубитељев, ктори стрєчајут се најмє на интернету. Меджусловјанскы был такоже слышены в филму Колорована птица. На једнодневном семинару в Прагє будут учени нови интересујучи се до језыка, и буде такоже проводжена он-лајн конференција с иноземными гостами.

Čitajte reportaž i daunlodujte materijaly iz tutoj adresy: https://interslavic.news/index?clanok=47

QR-kod članka