Monastyr Studenica – kulturny pamětnik UNESCO

kategorija: KULTURA - RELIGIJA - HISTORIJA
datum: 2016-01-01, avtor: redakcija

Jan Vít

Monastyr Studenica byl osnovany v 12. věku od Stefana Nemanja – osnovatelja srědnověkovoj srbskoj državy, kratko poslě Stefanovoj abdikacije. Monastyr jest jedin iz najboljših i najbogatějših srbskyh pravoslavnyh monastyrov. Leži na jugo-zapadu Šumadije v srbskyh gorah, priblizno 39 km jugo-zapadno od grada Kraljevo.


monastyr Studenica

Monastyr jest znany svojimi unikalnymi freskami v bizantijskom stilu iz 13-i ogo 14-ogo stolětja. Od lěta 1986 jest monastyr zapisany do světovogo kulturnogo naslědstva UNESCO.

Dominanta areala monastyra jest crkva svetoj Marije-Děvice, lěpa kombinacija romanskogo i bizantijskogo stila, čto jest tako rěčeny rašsky arhitekturny stil. Sěverno-zapadno od crkvy Marije-Děvice leži crkva svetogo Joahima i Anny iz 14-ogo stolětja, ktora jest znana kako Kraljeva crkva. Kromě tutyh dvoh glavnyh crkv jest v arealu monastyra ješče mala crkva svetogo Nikolasa i razkopane ruiny crkve svetogo Jana Baptisty.